Grupos


Calendario

<xullo de 2018>
lunsmarmérxovvensábdom
1
2345678
9101112131415
16171819202122
23242526272829
3031
25/04/2018

CONVENIO DE COLABORACIÓN COA DEPUTACIÓN DE PONTEVEDRA PARA BOLSAS DE FCT NO ESTRANXEIRO

En data de 24 de abril de 2018, a Presidenta da Deputación de Pontevedra, dona María del Carmen Silva, e a Conselleira do Mar, dona Rosa Quintana, veñen de asinar o Convenio de colaboración para a dotación económica de bolsas de formación no estranxeiro para o alumnado e profesorado do IGAFA.

Grazas á aportación económica da Deputación Provincial, varios alumnos dos ciclos de acuicultura poderán realizar a súa formación en centros de traballo no estranxeiro.

 

Dende o ano 1999, e de forma ininterrompida, a Consellería do

Mar e a Deputación

Provincial de Pontevedra veñen establecendo un convenio de

colaboración para a

dotación económica de bolsas de formación no estranxeiro

para o alumnado dos

ciclos formativos do Instituto Galego de Formación en

Acuicultura (IGAFA) da Illa de

Arousa.

 

Grazas a dito convenio, en cada curso escolar puideron

desenvolver as súas

actividades formativas correspondentes ao módulo de

Formación en Centros de

Traballo (FCT) en empresas e institucións europeas entre 5 e 7

alumnos e alumnas,

en todos os casos estudantes dos ciclos formativos de

acuicultura.

 

O IGAFA valora moi positivamente a estancia do seu alumnado

en distintas

institucións e empresas do estranxeiro, xa que lles permite

traballar con especies

pouco ou nada desenvolvidas en Galicia e en España, manexar

tecnoloxía ou

sistemas de traballo e produción diferentes e, ademais,

contribúe a mellorar as súas

capacidades lingüísticas noutros idiomas.

 

Tamén dende o momento no que se estableceu o primeiro

convenio de colaboración

entre a Consellería do Mar e a Deputación de Pontevedra para

permitir realizar a

formación do alumnado en destacados centros de investigación

e produción en

acuicultura noutros países, acadouse neles un maior

coñecemento e recoñecemento

da formación acuícola galega.

 

O alto interese que a acuicultura ten en Galicia en xeral e na

provincia de Pontevedra

en particular xustifica a posibilidade de ofrecer ao alumnado do

IGAFA experiencias

de coñecemento da acuicultura desenvolvida noutros países do

contorno europeo,

contribuíndo a que o IGAFA forme técnicos moi cualificados e

potencie o seu

prestixio institucional, recoñecido explicitamente co seu

nomeamento no ano 2010

como Centro de Referencia Nacional en Acuicultura e Mergullo.

 

O grao de satisfacción do IGAFA polo goce dos beneficios deste

convenio e da súa

xestión durante todo o longo período iniciado en 1999, é o

máximo posible, xa que

en ningún momento se presentaron problemas na súa

aplicación.

 

Os excelentes resultados acadados como consecuencia da

colaboración entre a

Deputación e o IGAFA, poderán continuarse neste ano 2018

grazas á renovación do

convenio.